O'PKA SILINING ERTA BOSQICHIDA RENTGEN TASVIRLARINI TAHLIL QILISHDA COMPUTER-AIDED DETECTION (CAD/AI) TIZIMLARINING DIAGNOSTIK ANIQLIGI VA SAMARADORLIGI

Abstract

Mazkur maqolada o'pka silini erta bosqichda aniqlash va differensial diagnostika qilishda kompyuter ko'magidagi diagnostika (CAD) hamda sun'iy intellekt (AI) algoritmlarining o'rni va samaradorligi tahlil qilingan. Jahon Sog'liqni Saqlash Tashkiloti (JSST) ko'rsatmalari va zamonaviy xalqaro ilmiy adabiyotlar sharhi asosida konvolyutsion neyron tarmoqlari (CNN) bazasidagi AI tizimlarining diagnostik sensitivligi va spetsifikligi baholangan. Tadqiqotda raqamli ko'krak qafasi rentgenogrammalaridagi (dCXR) o'choqli va infiltrativ o'zgarishlarni aniqlashda inson omilining ta'siri hamda AI/CAD tizimlarini skrening va saralash (triage) jarayonlariga joriy etishning iqtisodiy-amaliy afzalliklari yoritib berilgan.