XX ASRNING 50–90-YILLARIDA IORDANIYADA MODERNIZATSIYA VA MILLIY O‘ZLIKNING RIVOJLANISHI

Abstract

Maqolada XX asrning 50–90-yillarida Iordaniyada davlat institutlarining rivojlanishi va milliy o‘zlikning o‘zgarishi o‘rtasidagi munosabatlar tarixiy nuqtayi nazardan tahlil qilinadi. Ilmiy adabiyotlar, konstitutsiyaviy normalar va siyosiy hujjatlar asosida davlat qurilishi, hududiy o‘zgarishlar hamda siyosiy ishtirokning milliy mansublik haqidagi tasavvurlarga ta’siri ko‘rib chiqiladi. Tahlil 1950-yillardagi institutsional o‘zgarishlar, 1967-yilgi urush, 1970–1971-yillardagi qurolli mojaro va 1988-yilgi G‘arbiy Sohil bilan aloqalarni uzish qarorini qamrab oladi. Shuningdek, 1989-yildan boshlangan siyosiy ochiqlik, 1991-yilgi Milliy xartiya va 1990-yillardagi iqtisodiy islohotlar yoritiladi. Maqolada modernizatsiya davlatga mansublikni mustahkamlash bilan birga siyosiy vakillik va milliy o‘zlik atrofidagi kelishmovchiliklarni ham yuzaga chiqarishi mumkinligi asoslanadi. Iordaniya tajribasida institutsional rivojlanish, demokratlashuv va milliy integratsiya bir xil sur’atda kechmagan jarayonlar sifatida baholanadi.