ЭКСТРАКЦИОН ФОСФАТ КИСЛОТАНИ КАЛЬЦИЙ КАРБОНАТ ЁРДАМИДА ФТОР ВА СУЛЬФАТ АРАЛАШМАЛАРИДАН ТОЗАЛАШ ЖАРАЁНЛАРИНИ ТАДҚИҚ ЭТИШ

Abstract

Фторли бирикмалар ўзининг юқори кимёвий фаоллиги ва кучли токсик хусусияти туфайли атроф-муҳит ва биосфера барқарорлигига жиддий салбий таъсир кўрсатади. Олиб борилган фундаментал тадқиқотлар натижалари шуни кўрсатадики, фтор ионларининг агро- ва экотизимларда тўпланиши нафақат фитотоксикликни келтириб чиқариб, ўсимликларнинг вегетация жараёнини бузади, балки трофик занжир орқали инсон ва ҳайвонлар организмига кириб, суяк-бўғим тизими, тиш эмали (флюороз) ҳамда метоболик жараёнларда жиддий патологик касалликларни ривожлантиради. Шу сабабли, фосфорли ўғитлар ишлаб чиқариш технологиясида экстракцион фосфат кислота таркибидаги фтор бирикмаларини максимал даражада боғлаш ва зарарсизлантириш устувор экологик ҳамда технологик вазифалардан бири ҳисобланади. [1, 2].