ASKARIDOZNING OLDINI OLISHDA SANITARIYA-GIGIENA VA EPIDEMIOLOGIK PROFILAKTIKA CHORALARI

Abstract

Askaridoz (Ascaris lumbricoides parazit chuvalchangi chaqiruvchi geohelminthoz) dunyo boʻyicha, xususan, qishloq xoʻjaligi va shaxsiy tomorqa xoʻjaligi rivojlangan hududlarda eng keng tarqalgan parazitar kasalliklardan biridir. Zararlanish asosan fekal-oral mexanizmi orqali — tuproq, yetarlicha yuvilmagan sabzavotlar, mevalar, koʻkatlar hamda ifloslangan suv va gigiyena qoidalariga rioya qilmaslik natijasida yuzaga keladi. Askaridoz inson organizmida allergik reaksiyalar, ovqat hazm qilish tizimi faoliyatining buzilishi, vitaminlar va ozuqa moddalarining soʻrilmasligi hamda ogʻir asoratlarga (ichak tutilishi, oʻt yoʻllarining tiqilib qolishi va h.k.) olib kelishi mumkin. Shu sababli, epidemiologik zanjirni uzish hamda aholi oʻrtasida sanitariya-gigiyena va epidemiologik profilaktika choralarini tizimli yoʻlga qoʻyish dolzarb tibbiy-ijtimoy masala hisoblanadi.