MAKTAB YOSHIDAGI BOLALAR SALOMATLIGINI MUHOFAZA QILISHDA HAMSHIRANING O‘RNI VA PROFILAKTIK FAOLIYAT SAMARADORLIGI

Abstract

Biz olib borgan tadqiqotda maktab yoshidagi bolalar o‘rtasida uchraydigan surunkali kasalliklar va funksional buzilishlarning (ko‘z ko‘rish qobiliyatining pasayishi, qad-qomat buzilishlari, oshqozon-ichak kasalliklari) oldini olish hamda ularni barvaqt aniqlashda maktab hamshirasining profilaktik va monitoring faoliyati samaradorligi baholangan. Tadqiqot umumta’lim maktablarining 7–14 yoshdagi 340 nafar o‘quvchisi natijalarini o‘z ichiga oladi. O‘quvchilar ikkita guruhga bo‘lindi: nazorat guruhi (170) an’anaviy maktab tibbiy nazoratini oldi; asosiy guruh (170) esa hamshira tomonidan ishlab chiqilgan kompleks profilaktika, vizual sanitariya-ma’rifiy dastur va ergonomik monitoring tadbirlariga jalb qilindi. Natijalar shuni ko‘rsatdiki, asosiy guruhda ko‘z gipometropiyasi va skolioz belgilari rivojlanishi nazorat guruhiga nisbatan 2.8 baravarga pasaydi. Hamshiraning interaktiv monitoringi o‘quvchilar va ularning ota-onalarining sanitariya-gigiyenik madaniyatini sezilarli darajada oshirdi.