MELIORATSIYA, GIDROMELIORATSIYA VA QISHLOQ XO‘JALIGI MASHINALARINING TEXNIK XIZMAT KO‘RSATISHDAGI AHAMIYATI

Abstract

Mazkur maqolada melioratsiya mashinalari, gidromelioratsiya mashinalari hamda qishloq xo‘jaligi mashinalarining vazifalari, tasnifi, tuzilishi, ishlash prinsiplari va ulardan samarali foydalanish masalalari ilmiy-amaliy jihatdan tahlil qilingan. Qishloq xo‘jaligida yerlarning meliorativ holatini yaxshilash, sug‘orish va zax qochirish tizimlarini barqaror ishlatish, tuproqqa agrotexnik ishlov berish, ekish, parvarishlash va hosilni yig‘ib olish jarayonlarida mashina va mexanizmlarning o‘rni yoritilgan. Shuningdek, texnikalarning ish unumdorligi va ishonchliligini oshirishda texnik xizmat ko‘rsatish, texnik tashxis, sozlash, moylash, yeyilgan detallarni o‘z vaqtida almashtirish hamda mavsumiy saqlashning ahamiyati ko‘rsatib berilgan. Melioratsiya va qishloq xo‘jaligi mashinalaridan foydalanishda mahalliy tuproq-iqlim sharoitlarini hisobga olish, mashinalarning texnologik parametrlarini to‘g‘ri tanlash va ish sifatini muntazam nazorat qilish zarurligi asoslangan. Tadqiqot natijalari texnikum o‘quvchilarida qishloq xo‘jaligi texnikalaridan xavfsiz, tejamkor va samarali foydalanish bo‘yicha amaliy kompetensiyalarni shakllantirish uchun muhim metodik asos bo‘lib xizmat qiladi.