NEMIS TILIDA LUG‘AT BOYLIGINI OSHIRISHNING ZAMONAVIY USULLARI

Abstract

       Bugungi globallashuv sharoitida xorijiy tillarni mukammal o‘rganish har bir mutaxassis uchun muhim kompetensiyalardan biri hisoblanadi. Ayniqsa, nemis tili ilm-fan, texnika, iqtisodiyot va xalqaro hamkorlik sohalarida keng qo‘llaniladigan tillardan biri sifatida alohida ahamiyat kasb etadi. Nemis tilini muvaffaqiyatli o‘zlashtirishda grammatik bilimlar bilan bir qatorda boy lug‘at zaxirasiga ega bo‘lish ham hal qiluvchi omillardan hisoblanadi.Lug‘at boyligi o‘quvchining tinglab tushunishi, o‘qishi, yozishi va og‘zaki muloqot qilish qobiliyatiga bevosita ta’sir ko‘rsatadi. Yetarli leksik zaxiraga ega bo‘lmagan o‘quvchi grammatik qoidalarni yaxshi bilgan taqdirda ham fikrini erkin ifodalay olmaydi. Shu sababli zamonaviy metodika lug‘atni alohida yodlashdan ko‘ra uni muloqot jarayonida, real hayotiy vaziyatlar asosida va raqamli vositalardan foydalangan holda o‘rgatishga katta e’tibor qaratmoqda.