ZAMONAVIY INGLIZ ROMANLARIDA MIGRATSIYA VA MADANIY IDENTIKLIK MASALASI (Monica Ali, Zadie Smith va Mohsin Hamid asarlari misolida)

Abstract

Mazkur maqolada zamonaviy ingliz adabiyotida migratsiya va madaniy identiklik masalalarining badiiy talqini Monica Alining “Brick Lane”, Zadie Smithning “White Teeth” hamda Mohsin Hamidning “Exit West” romanlari misolida qiyosiy tahlil qilinadi. Tadqiqot davomida migratsiya jarayonining inson shaxsiga, uning milliy va madaniy o’zligini anglashiga ko’rsatgan ta’siri, diaspora vakillarining yangi jamiyatga moslashish jarayoni hamda madaniyatlararo muloqotning badiiy ifodasi o’rganildi. Shuningdek, yozuvchilarning migratsiya bilan bog’liq muammolarni yoritishda qo’llagan badiiy vositalari, ramziy obrazlari va zamonaviy roman poetikasidagi o’rni tahlil qilindi. Tadqiqot natijalari shuni ko’rsatdiki, migratsiya zamonaviy ingliz adabiyotida nafaqat geografik ko’chish, balki shaxsning madaniy, ruhiy va ijtimoiy o’zgarishlarini aks ettiruvchi murakkab badiiy hodisa sifatida talqin etiladi.