“HIDOYA” ASARIDA AYOLLARNING MAHR BORASIDAGI HUQUQ VA ERKINLIKLARI TAHLILI

Abstract

Ushbu maqolada Burhoniddin Marg‘inoniyning “Hidoya” asari asosida ayollarning mahr borasidagi huquq va erkinliklari tahlil qilinadi. Tadqiqotda hanafiy mazhabi manbalarida mahrning huquqiy mohiyati, turlari, miqdori va to‘lash tartibi, shuningdek ayolning bolani emizishi bilan bog‘liq huquq va majburiyatlari ko‘rib chiqiladi. Maqolada islom huquqshunosligida ayolning mulkiy va shaxsiy huquqlari qay darajada himoyalangani ochib beriladi. Tadqiqot natijalari islom huquqi tarixini, xususan ayollar huquqi masalasini o‘rganuvchi mutaxassislar, huquqshunoslar va talabalar uchun amaliy va nazariy ahamiyatga ega.