O’ZBEK TILI DARSLARINI O’TISHDA SUN’IY INTELLEKT TEXNOLOGIYALARIDAN FOYDALANISHNING PEDAGOGIK IMKONIYATLARI

Abstract

Mazkur maqolada o’zbek tili darslarini tashkil etishda sun’iy intellekt texnologiyalaridan foydalanishning pedagogik imkoniyatlari tahlil qilingan. Zamonaviy ta’lim jarayonida raqamli texnologiyalarning, xususan, katta til modellari, adaptiv ta’lim platformalari va nutqni tanish tizimlarining ahamiyati tobora ortib borayotgani asoslab berilgan. Maqolada sun’iy intellekt vositalarining o’quvchi bilim darajasini individuallashtirish, mustaqil ta’limni qo’llab-quvvatlash, o’qituvchi mehnat yukini kamaytirish va real vaqt rejimida fikr-mulohaza berish kabi pedagogik imkoniyatlari ko’rib chiqilgan. Shuningdek, ushbu texnologiyalarni ta’lim jarayoniga joriy etishda yuzaga keladigan metodik va texnik muammolar hamda ularni bartaraf etish yo’llari yuzasidan tavsiyalar ishlab chiqilgan. Tadqiqot natijalari o’zbek tili o’qituvchilari, metodistlar va ta’lim texnologiyalari sohasidagi tadqiqotchilar uchun amaliy ahamiyatga ega.