BOSHLANG‘ICH SINF O‘QUVCHILARIDA TANQIDIY FIKRLASHNI RIVOJLANTIRISH METODLARI

Abstract

Mazkur maqolada boshlang‘ich sinf o‘quvchilarida tanqidiy fikrlashni rivojlantirishning pedagogik ahamiyati hamda uni shakllantirishning samarali metodlari tahlil qilinadi. Tadqiqotda interfaol ta’lim usullari, muammoli ta’lim, loyiha metodi, bahs-munozara, aqliy hujum, klaster va keys texnologiyalarining o‘quvchilarning mustaqil fikrlashi, mantiqiy xulosa chiqarishi hamda muammolarni hal etish ko‘nikmalariga ta’siri yoritilgan. Shuningdek, o‘qituvchining darsni tashkil etishdagi roli, o‘quvchilarning faolligini oshirish hamda ta’lim jarayonida zamonaviy pedagogik texnologiyalardan foydalanishning afzalliklari ko‘rsatib berilgan. Tadqiqot natijalari tanqidiy fikrlashni rivojlantirishga yo‘naltirilgan metodlardan muntazam foydalanish o‘quvchilarning ijodiy, analitik va kommunikativ kompetensiyalarini rivojlantirishga xizmat qilishini tasdiqlaydi. Maqola xulosalaridan boshlang‘ich ta’lim amaliyotida samarali metodik tavsiyalar sifatida foydalanish mumkin.