SUN’IY INTELLEKT YARATGAN O‘ZBEK MATNLARINING LINGVISTIK IDENTIFIKATSIYASI

Abstract

Mazkur maqolada sun’iy intellekt texnologiyalari yordamida yaratilgan o‘zbek tilidagi matnlarning lingvistik xususiyatlari va ularni inson tomonidan yozilgan matnlardan farqlash mezonlari tahlil qilinadi. Tadqiqotda sun’iy intellekt tomonidan generatsiya qilingan matnlarning leksik, grammatik, sintaktik, stilistik hamda pragmatik belgilarini aniqlash, ularning til me’yorlariga mosligi va takrorlanuvchi lingvistik qoliplarini baholash masalalari yoritilgan. Shuningdek, zamonaviy lingvistika hamda kompyuter lingvistikasi yondashuvlari asosida o‘zbek tilida sun’iy intellekt matnlarini identifikatsiya qilishning ilmiy mezonlari ishlab chiqish zarurati asoslab berilgan. Tadqiqot natijalari akademik halollikni ta’minlash, ilmiy va ta’limiy matnlarning muallifligini aniqlash hamda o‘zbek tili uchun sun’iy intellekt matnlarini aniqlashga xizmat qiluvchi lingvistik modelni yaratishda muhim nazariy va amaliy ahamiyat kasb etadi.