OROLBO‘YI IQLIM SHAROITIDA ENERGIYA TEJAMKOR BINOLARNING OPTIMAL HAJMLI-REJALI YECHIMLARI VA DEVOR KONSTRUKSIYALARI HISOBI

Abstract

Global iqlim o‘zgarishi sharoitida energiya resurslarining samarasiz sarfi qurilish industriyasini texnologik qayta ko‘rib chiqishga majbur qilmoqda. Xalqaro Energetika Agentligi ma’lumotlariga ko‘ra, dunyo bo‘yicha umumiy energiya iste’molining 36–40 foizi binolar hissasiga to‘g‘ri keladi [1]. Shu bilan birga atmosferaga chiqarilayotgan karbonat angidrid emissiyasining katta qismi qurilish materiallari ishlab chiqarishi va ekspluatatsion energiya sarfi bilan bog‘liq. Energiya samarador arxitektura konsepsiyasi faqat issiqlik izolyatsiyasini kuchaytirish bilan emas, balki hajmli-rejali struktura, orientatsiya, konstruktiv qatlamlar va ichki mikroiqlimni kompleks boshqarish bilan tavsiflanadi [2].