INTEGRATIV YONDASHUV ASOSIDA BIOFIZIKA FANINI O‘QITISH METODIKASINI TAKOMILLASHTIRISH

Abstract

Ushbu maqolada tibbiyot oliy ta’lim muassasalarida biofizika fanini integrativ yondashuv asosida o‘qitish metodikasini takomillashtirish masalasi yoritildi. Biofizika tibbiy-biologik jarayonlarning fizik mohiyatini ochib beruvchi fundamental fan bo‘lib, uni alohida nazariy blok sifatida emas, balki anatomiya, fiziologiya, biokimyo, tibbiy texnika, klinik diagnostika va axborot texnologiyalari bilan uzviy bog‘langan holda o‘qitish bo‘lajak shifokorlarning kasbiy kompetentligini rivojlantirishda muhim ahamiyatga ega. Tadqiqotda integrativ o‘qitishning mazmuniy, metodik, texnologik va baholash komponentlari asoslandi. Biofizik qonuniyatlarni klinik vaziyatlar, laborator hisob-kitoblar, raqamli modellashtirish va tibbiy apparatura ishlash prinsiplarini tahlil qilish orqali o‘zlashtirishga qaratilgan metodik model taklif qilindi. Pedagogik tahlil natijalari integrativ mashg‘ulotlar talabalar bilimining tizimliligi, amaliy qo‘llash ko‘nikmasi, klinik-fizik tafakkuri va mustaqil tahlil qilish faolligini oshirishini ko‘rsatdi. Maqolada biofizika ta’limida fanlararo integratsiya, klinik yo‘naltirilgan masalalar, muammoli vaziyatlar, raqamli simulyatsiyalar va refleksiv baholashni uyg‘unlashtirish bo‘yicha ilmiy-metodik tavsiyalar berildi.