RAQAMLI TRANSFORMATSIYA SHAROITIDA DAVLAT MAKTABGACHA TA’LIM TASHKILOTLARIDA DATA-DRIVEN EDUCATION MODELINI JORIY ETISH ORQALI TA’LIM SIFATINI PROGNOZLASH MEXANIZMLARI

Abstract

Mazkur maqolada raqamli transformatsiya sharoitida davlat maktabgacha ta’lim tashkilotlarida Data-Driven Education modelini joriy etish orqali ta’lim sifatini prognozlashning nazariy, metodologik va amaliy asoslari ilmiy jihatdan tahlil qilingan. Tadqiqotda katta hajmdagi ma’lumotlar (Big Data), sun’iy intellekt (Artificial Intelligence), mashinaviy o‘qitish (Machine Learning), ta’lim analitikasi (Learning Analytics), prediktiv analitika (Predictive Analytics) va Business Intelligence texnologiyalaridan foydalangan holda pedagogik jarayonlarning samaradorligini baholash hamda ta’lim sifati ko‘rsatkichlarini oldindan prognozlash mexanizmlari yoritilgan. Shuningdek, o‘quvchilar rivojlanish dinamikasi, pedagoglar faoliyati, ota-onalar bilan hamkorlik, ta’lim resurslaridan foydalanish va boshqaruv jarayonlariga oid ma’lumotlarni yagona raqamli platformada integratsiyalash orqali adaptiv boshqaruv modelini shakllantirishning ilmiy-metodik asoslari ishlab chiqilgan.