FIZIKADAN MASALALARNI YECHISHDA UMUMLASHTIRILGAN YONDASHUV

Abstract

Fizik masalalarni yechishning umumlashtirilgan yondashuvlari ko‘rib chiqiladi. Ushbu yondashuvlar asosida talabalarga nafaqat fizik qonunlarni masalalar yechishda qo‘llash, balki yechish usulini tanlash va qonunlarni qo‘llash natijasini oldindan bashorat qilish ko‘nikmalarini ham shakllantirish mumkin. Shuningdek, talabalarga masalalarda tasvirlangan fizik vaziyatlarni tizimlashtirishni o‘rgatish orqali ularning tafakkurini rivojlantirishga xizmat qiladi. Umumlashtirilgan yondashuv ma’lum bir sinfga mansub masalalarni yechish usuli sifatida qaraladi va u umumiy ko‘rinishda ifodalanadi. Umumlashtirishning ikki darajasi ajratib ko‘rsatiladi. Mexanika bo‘limiga oid masalalarni yechishning umumlashtirilgan yondashuvlariga misollar keltiriladi.