TALABALAR UCHUN ONLAYN AMALIYOT PLATFORMASINING DASTURIY TA’MINOTINI ISHLAB CHIQISH

Abstract

Talabalar amaliyotini samarali tashkil etish va boshqarish zamonaviy ta’lim tizimining muhim vazifalaridan biri hisoblanadi. So‘nggi yillarda raqamli texnologiyalarning rivojlanishi natijasida amaliyot jarayonlarini masofadan turib boshqarish va nazorat qilish imkoniyatlari kengayib bormoqda. Biroq ko‘plab ta’lim muassasalarida amaliyot bilan bog‘liq jarayonlar hali ham an’anaviy usullar asosida amalga oshirilmoqda, bu esa ma’lumotlarning tarqoqligi, hujjatlar bilan ishlashdagi qiyinchiliklar va nazoratning yetarli darajada emasligiga sabab bo‘lmoqda. Ushbu muammolarni bartaraf etish maqsadida talabalar uchun onlayn amaliyot platformasining dasturiy ta’minotini ishlab chiqish dolzarb vazifalardan biri hisoblanadi. Mazkur maqolada onlayn amaliyot platformasining dasturiy ta’minotini yaratish jarayoni, uning funksional imkoniyatlari va ta’lim jarayonidagi ahamiyati tahlil qilinadi. Tadqiqot natijalariga ko‘ra, ishlab chiqilgan platforma amaliyot jarayonlarini avtomatlashtirish, ma’lumotlar almashinuvini tezlashtirish va nazorat samaradorligini oshirish imkonini beradi.