12–13 YOSHLI QIZLARDA TAYANCH-HARAKAT TIZIMINING FIZIOLOGIK RIVOJLANISH XUSUSIYATLARI

Abstract

Mazkur maqolada 12–13 yoshli qizlarda tayanch-harakat tizimining fiziologik rivojlanish xususiyatlari ilmiy jihatdan tahlil qilingan. O‘smirlik davrida skelet, mushak va bo‘g‘im-boylam apparatlarida yuz beradigan morfologik hamda funksional o‘zgarishlarning organizmning umumiy jismoniy rivojlanishiga ta’siri yoritilgan. Tadqiqot davomida tayanch-harakat tizimining rivojlanish qonuniyatlari, biologik yetilish jarayonlari, harakat sifatlarining shakllanishi hamda jismoniy mashqlarning fiziologik ahamiyati o‘rganildi. Shuningdek, jismoniy tarbiya va sport mashg‘ulotlarining tayanch-harakat apparati rivojlanishidagi o‘rni, qomat buzilishlarining profilaktikasi hamda o‘quvchilarning harakat faolligini oshirish masalalari tahlil qilindi. Olingan natijalar 12–13 yoshli qizlarda tayanch-harakat tizimining rivojlanishi biologik yetilish, jismoniy faollik va tashqi muhit omillari bilan chambarchas bog‘liq ekanligini ko‘rsatdi. Tadqiqot materiallari jismoniy tarbiya mashg‘ulotlarini ilmiy asosda tashkil etish, yosh sportchilarni tayyorlash va o‘smirlar salomatligini mustahkamlashda muhim ilmiy-amaliy ahamiyatga ega.