JALAQUDUQ KICHIK DIALEKTAL ZONASIDA O‘ZBEK TILINING QIRG‘IZ TILI MORFOLOGIYASIGA TA’SIRI

Abstract

Ushbu maqolada Jalaquduq kichik dialektal zonasi misolida o‘zbek tili (Andijon shevasi) va qirg‘iz tili shevalarining sotsiolingvistik hamda sotsiomadaniy aloqalari tadqiq etilgan. Tadqiqotda hududda dominant til hisoblangan o‘zbek shevasining mahalliy qirg‘izlar nutqi morfologik tizimiga ko‘rsatgan tizimli ta’siri konvergensiya va til assimilyatsiyasi jarayonlari asosida yoritilgan. Xususan, ko‘plik, egalik, kelishik shakllari, shuningdek, so‘roq, ta’kid va chegaralash yuklamalarining qirg‘iz shevasida o‘zbek tili ta’sirida unlilar uyg‘unligi (singarmonizm) qiyosiy-dialektologik metodlar yordamida tahlil qilingan.